براے جماعت اول 1 نظم/ مضمون اچھا بچہ

میں اک اچھا بچہ ہوں
قول و عمل کا سچا ہوں

باتیں سچی کرتا ہوں
محنت اچھی کرتا ہوں

استاد ، ابو اور امی
مجھ سے کرتے ہیں نرمی

روز کا میرا ہے معمول
شوق سے جاتا ہوں اسکول

کوشش کرتا ہوں اکثر
مجھ سے خوش ہو ہر ٹیچر

رستہ بھی ہے میرا صاف
بستہ بھی ہے میرا صاف

یونی فارم جو میرا ہے
بے حد صاف اور ستھرا ہے

اپنی کاپی اور کتاب
کرتا بھی ہوں میں نہ خراب

میری پیاری سی ڈبیا
چھوٹی سی ہے اک دنیا

مجھ کو محنت کرنی ہے
قوم کی خدمت کرنی ہے

ہر ہر ساتھی اچھا ہے
میرے جیسا بچہ ہے

مل جل کر ہم پڑھتے ہیں
آگے آگے بڑھتے ہیں

میری لڑائی ہوتی نہیں
میری پٹائی ہوتی نہیں

گھر کا کام جو ملتا ہے
روز ہمیں وہ کرنا ہے

فائدہ اس میں اپنا ہے
شوق سے ہم کو کھپنا ہے

آؤ اسامہ! عزم کریں
لاپروائی ختم کریں

Leave a Reply

Your email address will not be published. Required fields are marked *